2014 جىلعى 15 جەلتوقسان, استانا قالاسى
كەدەندىك باقىلاۋ تەحنيكالىق قۇرالدارىنىڭ تىزبەسىن جانە قولدانۋ قاعيداسىن بەكىتۋ تۋرالى
«قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسىنىڭ 2010 جىلعى 30 ماۋسىمداعى كودەكسىنىڭ 196-بابىنىڭ 1-تارماعىنا سايكەس, سونداي-اق قازاقستان رەسپۋبليكاسى قارجى ءمينيسترىنىڭ 2014 جىلعى 26 قىركۇيەكتەگى № 417 بۇيرىعىمەن بەكىتىلگەن, قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتى ەرەجەسىنىڭ 16-تارماعىنىڭ 28) تارماقشاسىنا سايكەس, بۇيىرامىن:
1. قوسا بەرىلىپ وتىرعان كەدەندىك باقىلاۋدىڭ تەحنيكالىق قۇرالدارىنىڭ تىزبەسى جانە قولدانۋ قاعيداسى بەكىتىلسىن.
2. قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ كەدەندىك باقىلاۋ دەپارتامەنتى زاڭنامامەن بەلگىلەنگەن تارتىپتە:
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتى مەملەكەتتىك تىركەلەنگەننەن كەيىن كۇنتىزبەلىك ون كۇن ىشىندە ونى رەسمي جاريالاۋعا مەرزىمدىك باسپا باسىلىمدارىنا جانە «ادىلەت» اقپاراتتىق قۇقىقتىق جۇيەسىنە جولداۋدى;
3) وسى بۇيرىقتى قازاقستان رەسپۋبليكاسى قارجى مينيسترلىگىنىڭ ينتەرنەت-رەسۋرستارىندا جاريالانۋىن قامتاماسىز ەتسىن.
3. وسى بۇيرىق مەملەكەتتىك تىركەلەنگەننەن كەيىن كۇنتىزبەلىك ون كۇن وتكەن سوڭ قولدانىسقا ەنەدى.
قازاقستان رەسپۋبليكاسى قارجى مينيسترلىگى
مەملەكەتتىك كىرىستەر كوميتەتىنىڭ توراعاسى د.ەرعوجين.
قازاقستان رەسپۋبليكاسىنىڭ قارجى مينيسترلىگىنىڭ مەملەكەتتىك كىرىستەر كوميتەتى توراعاسىنىڭ
2014 جىلعى 15 جەلتوقسانداعى №90 بۇيرىعىمەن بەكىتىلگەن
كەدەندىك باقىلاۋدىڭ تەحنيكالىق قۇرالدارىنىڭ تىزبەسى
كەدەندىك باقىلاۋدىڭ تەحنيكالىق قۇرالدارى مىناداي تۇرلەرگە بولىنەدى:
1) كەدەن وداعىنىڭ كەدەندىك اۋماعىنا كەلەتىن/كەتەتىن اۆتوكولىك قۇرالدارىن مەملەكەتتىك تىركەلگەن ءنومىر بەلگىلەرى بويىنشا تىركەۋدى اۆتوماتتاندىرۋ جولىمەن ولاردى كوزبەن قاراپ جانە اۆتوماتتاندىرىلعان باقىلاۋ ءۇشىن مەملەكەتتىك كىرىستەر ورگاندارى پايدالاناتىن اۆتوكولىك قۇرالدارىن ەسەپتەۋدىڭ اۆتوماتتاندىرىلعان جۇيەسى;
2) وتكىزىلەتىن راديواكتيۆتى جانە بولىنەتىن ماتەريالداردى, قاۋىپتى قالدىقتاردى انىقتاۋ, وقشاۋلاۋ جانە بىردەيلەندىرۋ, ولاردىڭ ساندىق جانە ساپالىق سيپاتتامالارىن ولشەۋگە ارنالعان رادياتسيالىق باقىلاۋدىڭ تەحنيكالىق قۇرالدارى. ولارعا دوزيمەترلەر, راديومەترلەر, ءپورتاتيۆتى جانە ستاتسيونارلىق سپەكترومەترلەر, بولىنەتىن جانە راديواكتيۆتى ماتەريالداردى انىقتاۋدىڭ ستاتسيونارلىق جۇيەلەرى جاتادى;
3) مەملەكەتتىك كىرىستەر ورگاندارى اۆتوكولىك قۇرالدارىنىڭ سالماقتىق جانە كولەمدىك پارامەترلەرىن ولشەۋدى باقىلاۋ ءۇشىن پايدالاناتىن كولىك قۇرالدارىنىڭ سالماقتىق جانە كولەمدىك پارامەترلەرىن انىقتاۋدىڭ جانە بەينە قاداعالاۋدىڭ اۆتوماتتاندىرىلعان جۇيەسى;
4) مەملەكەتتىك كىرىستەر ورگاندارى كولىك قۇرالدارىن, كولىك قۇرالدارىنىڭ جۇك بولىكتەرىندەگى, كونتەينەرلەردەگى, جولاۋشىلاردىڭ الىپ جۇرەتىن جانە الىپ جۇرمەيتىن باگاجىنداعى, حالىقارالىق پوشتا جونەلتىلىمدەرىندەگى زاتتاردى جانە شاعىن, ورتاشا كولەمدى جانە ءىرى كولەمدى ىدىستارداعى تاۋارلاردى ولاردى اشپاي, سونداي-اق جەكە تۇلعالاردى ءينترۋزيۆتى ەمەس (بايلانىسسىز) تەكسەرىپ قاراۋ ادىسىمەن, كوزبەن قاراپ تەكسەرۋ ءۇشىن پايدالاناتىن, ونىڭ ىشىندە بەينەلەردى وڭدەۋ جانە تالداۋ جۇيەسىمەن جابدىقتالعان تەكسەرىپ قاراۋدىڭ ينتراسكوپيالىق تەحنيكاسى. مەملەكەتتىك كىرىستەر ورگاندارى ءينترۋزيۆتى ەمەس تەكسەرىپ قاراۋدىڭ ستاتسيونارلىق, تاسىمالداناتىن جانە ۇتقىر جۇيەلەرىن پايدالانادى;
5) جولاۋشىلاردىڭ الىپ جۇرەتىن جانە الىپ جۇرمەيتىن باگاجىن, حالىقارالىق پوشتا جونەلتىلىمدەرىن, كولىك قۇرالدارىنداعى تاۋارلار مەن قول جەتكىزۋدىڭ قيىن ورىندارىن كەدەندىك تەكسەرىپ قاراۋدى جۇزەگە اسىرۋ كەزىندە پايدالانىلاتىن ىزدەستىرۋدىڭ تەحنيكالىق قۇرالدارى. مىنالار ىزدەستىرۋدىڭ تەحنيكالىق قۇرالدارى بولىپ تابىلادى:
مەتالل دەتەكتورلارى - قارا جانە ءتۇستى مەتالداردان جاسالعان زاتتاردى انىقتاۋعا مۇمكىندىك بەرەتىن ەلەكتروندى قۇرالدار. مەملەكەتتىك كىرىستەر ورگاندارى ءپورتاتيۆتى, تاسىمالداناتىن جانە ستاتسيونارلىق مەتالل دەتەكتورلارىن پايدالانادى;
تەكسەرىپ قاراۋ اينالارى - پىشىندەرى مەن مولشەرى ءارتۇرلى اۋىسپالى اينالاردىڭ جيىنتىعى بار تەلەسكوپتىق ۇستاعىشتار, قول جەتكىزۋدىڭ قيىن ورىندارىنداعى تاۋارلاردى, كولىك قۇرالدارىن تەكسەرىپ قاراۋ ءۇشىن قولمەن ۇستالاتىن جارىقتاندىرعىش اسپاپتارىمەن قولدانىلادى;
تەكسەرىپ قاراۋ سۇڭگىلەرى - ديامەترلەرى مەن ۇزىندىعى ءارتۇرلى ەرەكشە شىڭدالعان مەتالل وزەكتەرى, تەسىلەتىن وبەكتىلەردىڭ (جۇمساق جانە كارتون ورامالارىنىڭ, كولىك قۇرالدارىنداعى وتىرعىشتاردىڭ, سۋسىمالى جۇكتەردىڭ) سالىمدارىنان سىنامالار الۋ ءۇشىن ارنايى نىسانداعى تەسىگىمەن دايىندالادى;
ەندوسكوپتار - كولىك قۇرالدارىنداعى قول جەتكىزۋدىڭ قيىن ورىندارىن جانە ءتۇرلى, ونىڭ ىشىندە اگرەسسيۆتى سۇيىقتىقتارمەن تولتىرىلعان ىدىستاردى تەكسەرىپ قاراۋعا ارنالعان وپتيكالىق اسپاپتار;
تەكسەرىپ قاراۋ شامدارى مەن لامپالار - تاۋلىكتىڭ تۇنگى ۋاقىتىندا جانە ءالسىز جارىقتاندىرىلعان ءۇي-جايلاردى وڭتايلى جارىقتاندىرۋ ءۇشىن باعىتتالعان جارىقتاندىرعىش اسپاپتار. مەملەكەتتىك كىرىستەر ورگاندارى ۇتقىر, تاسىمالداناتىن جانە ستاتسيونارلىق شامدار مەن لامپالاردى قولدانادى;
تىعىزدىقتىڭ وزگەرۋىن ايقىنداۋ ءۇشىن اسپاپتار - وتىن باكتارى, ەسىكتەر, كولىك قۇرالدارىنىڭ دوڭگەلەكتەرى, جۇك اۆتوموبيلدەرى تىركەمەلەرىنىڭ قابىرعالارى سياقتى قول جەتكىزۋدىڭ قيىن ورىندارىنداعى بوتەن سالىمداردى انىقتاۋ ءۇشىن باعىتتالعان اسپاپتار;
جىلۋ ۆيزورلارى - ءوزىنىڭ ساۋلەلەنۋ سەرپىنىندە جىلۋ ساۋلەسىن شىعاراتىن وبەكتىلەردى جەدەل ىزدەستىرۋگە, انىقتاۋ مەن بايقاۋعا ارنالعان باعىتتالعان اسپاپتار;
6) بىردەيلەندىرۋدىڭ تەحنيكالىق قۇرالدارى, ولارعا:
كەدەندىك جانە وزگە قۇجاتتاردىڭ تۇپنۇسقالىعىن ايقىنداۋ اسپاپتارى;
باعالى مەتالدار سىناماسىنىڭ تۇپنۇسقالىعىن ايقىنداۋ اسپاپتارى;
باعالى تاستاردىڭ تۇپنۇسقالىعىن ايقىنداۋ اسپاپتارى;
ەسىرتكى, پسيحوتروپتى زاتتار مەن پرەكۋرسورلاردى سايكەستەندىرۋ اسپاپتارى;
جارىلعىش زاتتاردى سايكەستەندىرۋ اسپاپتارى;
رەنتگەنوفلۋورەستسەنتتىك تالداعىشتار;
ولشەۋ اسپاپتارى;
ەنەرگيا رەسۋرستارىن ەسەپتەۋ اسپاپتارى;
حلاداگەنتتەردى سايكەستەندىرۋ اسپاپتارى, دەتەكتورلار مەن تالداعىشتار;
ەلەكتروندى تيەكتەۋ-پلومبالاۋ قۇرىلعىلارىن (ەلەكتروندى پلومبالاردى) وقۋ اسپاپتارى;
شتريح-كودتاردىڭ پرينتەرلەرى;
شتريح-كودتاردى وقۋ اسپاپتارى;
سايكەستەندىرۋ قۇرالدارى;
7) كەدەندىك باقىلاۋدى جۇزەگە اسىرىلاتىن وبەكتىلەردەگى جەدەل جاعدايدى قاداعالاۋ ءۇشىن مەملەكەتتىك كىرىستەر ورگاندارى پايدالاناتىن كوزبەن قاراپ قاداعالاۋدىڭ تەحنيكالىق قۇرالدارى,
كوزبەن قاراپ قاداعالاۋدىڭ تەحنيكالىق قۇرالدارىنا تاسىمالداۋ ۆيدەورەگيستراتورلار, وپتيكالىق قاداعالاۋ اسپاپتارى, دۇربىلەر, مونوكۋليارلى جانە ستەرەوتۇتىكتەر, تۇندە كورۋ اسپاپتارى, سونداي-اق شولۋ تەلەۆيزياسىنىڭ جەرگىلىكتى (تۇيىق) جۇيەسى - بىرىڭعاي باقىلاۋ پۋلتىمەن قاشىقتان باسقارىلاتىن تەلەۆيزيالىق كامەرالار مەن باقىلاۋ مونيتورلارىنىڭ جەلىسى, بەينەكامەرا, فوتوكامەرا جاتادى;
8) اۋديو جانە بەينەاقپاراتتى تاسىمالداۋشىلاردى باقىلاۋدىڭ تەحنيكالىق قۇرالدارى, ولارعا ماگنيتوفوندار, بەينەماگنيتوفوندار, بارلىق جۇيەدەگى جانە جازۋ پىشىنىندەگى پلەيەرلەر, تەلەمونيتورلار, تەلەۆيزورلار, ارنايى كومپيۋتەرلىك باقىلاۋ جۇيەلەرى, فوتو-, كينو-, سلايد پروەكتورلارى, ميكروفيشتەردى قاراۋعا ارنالعان قۇرىلعىلار, سونداي-اق اۋديو-, بەينەاقپاراتتاردى وشىرۋگە ارنالعان قۇرىلعىلار جاتادى;
9) مەملەكەتتىك كىرىستەر ورگاندارىنىڭ لاۋازىمدى ادامدارى كەدەندىك باقىلاۋ پروتسەسىن جەدەل باسقارۋدى قامتاماسىز ەتۋ ءۇشىن قولداناتىن جەدەل بايلانىستىڭ تەحنيكالىق قۇرالدارى. كەشەن: مەملەكەتتىك كىرىستەر ورگاندارىنا ارنايى بولىنگەن راديوجيىلىكتە جۇمىس ىستەيتىن راديوبايلانىستىڭ تاسىمالداناتىن, ستاتسيونارلىق (بازالىق), اۆتوموبيلدىك اپپاراتۋراسىن قامتيدى.
قازاقستان رەسپۋبليكاسىنىڭ قارجى ءمينيسترىنىڭ مەملەكەتتىك كىرىستەر كوميتەتى توراعاسىنىڭ
2014 جىلعى 15 جەلتوقسانداعى №90 بۇيرىعىمەن بەكىتىلگەن
كەدەندىك باقىلاۋدىڭ تەحنيكالىق قۇرالدارىن قولدانۋ قاعيداسى
1. جالپى ەرەجەلەر
1. وسى قاعيدا كەدەن وداعىنىڭ كەدەندىك شەكاراسى ارقىلى وتكىزىلەتىن تاۋارلار مەن كولىك قۇرالدارىن, سونداي-اق كەدەن وداعىنىڭ كەدەندىك شەكاراسى ارقىلى وتەتىن جەكە تۇلعالاردى كەدەندىك باقىلاۋدى جۇزەگە اسىرۋ كەزىندە تەحنيكالىق قۇرالداردى قولدانۋ ءتارتىبىن بەلگىلەيدى.
2. كەدەندىك باقىلاۋدىڭ تەحنيكالىق قۇرالدارى - كەدەندىك باقىلاۋدى جۇرگىزۋ ۋاقىتىن قىسقارتۋ مەن كەدەن ءىسى سالاسىنداعى قۇقىق بۇزۋشىلىقتاردىڭ (قىلمىستاردىڭ) فاكتىلەرىن انىقتاۋ ماقساتىندا جەكە تۇلعالاردى, تاۋارلار مەن كولىك قۇرالدارىن كەدەندىك باقىلاۋ پروتسەسىندە مەملەكەتتىك كىرىستەر ورگاندارى قولدانىلاتىن ارنايى تەحنيكالىق قۇرالدارىنىڭ كەشەنى.
2. كەدەندىك باقىلاۋدىڭ تەحنيكالىق قۇرالدارىن قولدانۋ ءتارتىبى
3. كەدەندىك باقىلاۋدىڭ تەحنيكالىق قۇرالدارىن قولدانۋ ادام ءومىرى مەن دەنساۋلىعى, جانۋارلار مەن وسىمدىكتەر ءۇشىن قاۋىپسىز بولۋعا جانە تۇلعالارعا, تاۋارلار مەن كولىك قۇرالدارىنا زالال كەلتىرمەۋگە ءتيىس.
4. كەدەندىك باقىلاۋدى جۇزەگە اسىرۋشى مەملەكەتتىك كىرىستەر ورگانىنىڭ لاۋازىمدى ادامى كەدەندىك باقىلاۋ نىسانىنا جانە جەكە تۇلعالاردى, تاۋارلار مەن كولىك قۇرالدارىن وتكىزۋ ەرەكشەلىگىنە قاراي كەدەندىك باقىلاۋدىڭ قانداي دا ءبىر تەحنيكالىق قۇرالدارىن قولدانۋ قاجەتتىلىگىن ايقىندايدى.
5. كەدەندىك قاداعالاۋ كەزىندە كەدەندىك باقىلاۋدىڭ مىناداي تەحنيكالىق قۇرالدارى قولدانىلادى:
1) كەدەن وداعىنىڭ كەدەندىك اۋماعىنان وتەتىن اۆتوكولىك قۇرالدارىن مەملەكەتتىك تىركەلگەن ءنومىر بويىنشا تىركەۋ جولىمەن اۆتوكولىك قۇرالدارىن ەسەپتەۋدىڭ اۆتوماتتاندىرىلعان جۇيەسى;
اۆتوكولىك قۇرالدارىن ەسەپكە الۋدىڭ اۆتوماتتاندىرىلعان جۇيەسىن قولدانۋ ناتيجەسى بويىنشا الىنعان اقپارات كەدەن وداعىنىڭ كەدەندىك شەكاراسىن قيىپ وتەتىن اۆتوكولىك قۇرالدارىن ورتالىقتاندىرىلعان ەسەپكە الۋ ءۇشىن بايلانىس ارنالارى ارقىلى كەدەن ءىسى سالاسىنداعى ۋاكىلەتتى ورگانعا بەرىلەدى;
2) كەدەندىك باقىلاۋ ايماعىنداعى تاۋارلاردى, كولىك قۇرالدارى مەن جەكە تۇلعالاردى كوزبەن قاراپ باقىلاۋ جۇرگىزۋ ءۇشىن قولدانىلاتىن كوزبەن قاراپ قاداعالاۋدىڭ تەحنيكالىق قۇرالدارى.
6. كەدەندىك قاراۋ مەن كەدەندىك تەكسەرىپ قاراۋ كەزىندە كەدەندىك باقىلاۋدىڭ مىناداي تەحنيكالىق قۇرالدارى قولدانىلادى:
1) كەدەن وداعىنىڭ كەدەندىك شەكاراسى ارقىلى رايواكتيۆتى ماتەريالداردى زاڭسىز وتكىزۋدى انىقتاۋ ماقساتىندا كەدەن وداعىنىڭ كەدەندىك شەكاراسى ارقىلى وتكىزىلەتىن تاۋارلارعا, كولىك قۇرالدارى مەن جەكە تۇلعالارعا قاتىستى قولدانىلاتىن رادياتسيالىق باقىلاۋدىڭ تەحنيكالىق قۇرالدارى;
2) كەدەن ءىسى سالاسىنداعى ۋاكىلەتتى ورگانعا الىنعان اقپاراتتى بايلانىس ارنالارى بويىنشا بەرە وتىرىپ ەسەپكە الۋ جانە باقىلاۋ ماقساتىندا كەدەن وداعىنىڭ كەدەندىك شەكاراسىن كەسىپ وتەتىن اۆتوكولىك قۇرالدارىنا قاتىستى قولدانىلاتىن كولىك قۇرالدارىنىڭ سالماقتىق جانە كولەمدىك پارامەترلەرىن ايقىنداۋ مەن بەينەباقىلاۋدىڭ اۆتوماتتاندىرىلعان جۇيەلەرى;
3) قول جۇگىنە, كونتەينەرلەرگە, كولىك قۇرالدارىنا, پوچتا جونەلتىمدەرىنە جانە جەكە تۇلعالارعا سالىنعان كونتراباندالىق تاۋارلاردى تابۋ ماقساتىندا كەدەندىك باقىلاۋ ايماعىنداعى كەدەن وداعىنىڭ كەدەندىك شەكاراسىنان وتەتىن تاۋارلارعان, كولىك قۇرالدارى مەن جەكە تۇلعالارعا قاتىستى قولدانىلاتىن, ونىڭ ىشىندە بەينەلەردى تالداۋ جانە وڭدەۋ جۇيەلەرىمەن جاراقتالعان ينتراسكوپيالىق تەكسەرۋ تەحنيكاسى;
4) كولىك قۇرالدارىن, تاۋارلاردىڭ ورامدارىن اشۋسىز, بولشەكتەۋسىز جانە زەرتتەۋ وبەكتىسىنىڭ تۇتاستىعىن بۇزباي, تاۋارلار مەن كولىك قۇرالدارىن تەكسەرىپ قاراۋ كەزىندە قولدانىلاتىن ىزدەۋ تەحنيكالىق قۇرالدارى;
5) مىناداي تاۋارلاردى قاراۋدى جۇرگىزۋ كەزىندە قولدانىلاتىن سايكەستەندىرۋدىڭ تەحنيكالىق قۇرالدارى:
باعالى تاستار مەن مەتالداردىڭ سىنامالارىن سايكەستەندىرۋ ءۇشىن باعالى تاستارداعى ساۋلەلەردىڭ سىنۋىن تالداۋ نەگىزىندە جۇمىس ىستەيتىن اسپاپتار جانە قورىتپالاردى ايقىنداۋدىڭ ءتۇرلى ادىستەرىن پايدالاناتىن اسپاپتار قولدانىلادى. باعالى تاستار مەن مەتالداردى رەسىمدەۋدىڭ بارلىق جاعدايلارىندا قولدانىلادى;
ەسىرتكىنى, پسيحوتروپتى زاتتار مەن پرەكۋرسورلاردى انىقتاۋ جانە (نەمەسە) تەكسەرۋ ءۇشىن:
سالفەتكالاردىڭ كومەگىمەن ميكروبولشەكتەردى جيناۋ جانە ولاردى تالداۋدى جۇرگىزەتىن دەتەكتورعا سالۋ, سونداي-اق دەتەكتوردىڭ كومپرەسسورىن قوسۋ كومەگىمەن كۇدىكتى ۋچاسكەدەن بۋلاردى تالداۋ ادىسىمەن ەسىرتكى زاتتارىنىڭ دەتەكتورلارى مەن ەكسپرەسس-تالداعىشتار;
ارنايى ءمولدىر ىدىستارداعى ەسىرتكى زاتتارىن تۇسىنە قاراي ايىرۋ ءۇشىن امپۋلالار نەمەسە امپۋلالاردىڭ جيىنتىعى;
جارىلعىش زاتتاردى تەكسەرۋ كەزىندە كۇدىكتى ۋچاسكەلەردەن دەتەكتور كومپرەسسورىنىڭ كومەگىمەن بۋلاردى جيناۋ جولىمەن تالداۋدى جۇرگىزۋ ءۇشىن سالفەتكالارمەن ميكروبولشەكتەردى جيناۋ جانە ولاردى دەتەكتورعا سالۋ جولىمەن ميكروبولشەكتەردى مەن جارىلعىش زاتتاردىڭ بۋلارىن تالداۋ دەتەكتورلارى پايدالانىلادى;
قاتتى, سۇيىق جانە ۇنتاق تۇرىندەگى زاتتاردى تالداۋ ءۇشىن رەنگەنوفلۋورەستسەنتتىك تالداعىشتار قولدانىلادى, وسى اسپاپتارمەن جۇمىس بويىنشا قىزمەتكەرلەردى ارنايى وقىتۋ قاجەت;
تاۋارلار مەن كولىك قۇرالدارىنىڭ سالماقتىق ءمانىن ايقىنداۋ ءۇشىن ولشەۋ اسپاپتارى قولدانىلادى;
ۋاقىت بىرلىگىندە وتەتىن تاۋاردىڭ كولەمىن قاشىقتان ولشەۋ ءۇشىن ەنەرگيا رەسۋرستارىن ەسەپتەۋدىڭ اسپاپتارى پايدالانىلادى, ولاردى ولشەۋ ناتيجەلەرى مەملەكەتتىك كىرىستەر ورگاندارىنىڭ دەرەكتەردى بەرۋ ارنالارىمەن بايلانىستى اقپاراتتىق جۇيەسىنە جازىلادى;
تاۋارلار مەن كولىك قۇرالدارىن تەكسەرۋ كەزىندە وزوندى ىدىراتقىش زاتتاردى انىقتاۋ ءۇشىن يدەنتيفيكاتورلار, دەتەكتورلار جانە حلاداگەندەردى تالداعىشتار پايدالانىلادى;
تەكسەرۋ, وقۋ, ءتۇسىرۋ ءۇشىن, سونداي-اق ەلەكتروندى تيەكتەۋ-پلومبالاۋ قۇرىلعىلارىن (ەلەكتروندى پلومبالاردى) سانكتسيالانعان اشۋدى باقىلاۋ ءۇشىن ەلەكتروندى تيەكتەۋ-پلومبالاۋ قۇرىلعىلارىن (ەلەكتروندى پلومبالاردى) وقۋ اسپاپتارى پايدالانىلادى. ەلەكتروندى تيەكتەۋ-پلومبالاۋ قۇرىلعىلاردى (ەلەكتروندى پلومبالاردىڭ) ستاتسيونارلىق, تاسىمالداناتىن جانە ۇتقىر اسپاپتارى پايدالانىلادى;
كەيىننەن تاۋارعا, وراماعا, ترانزيتتىك دەكلاراتسياعا, كولىك قۇرالدارىنا جاپسىرىلاتىن زاتبەلگىلەرگە, ءوزى جاپسىرىلاتىن لەنتالارعا اقپارات (شتريح-كودتى, ماتىندىك اقپاراتتى, ءتۇرلى گرافيكانى) تاڭبالاۋ ءۇشىن شتريح-كودتىڭ پرينتەرلەرى پايدالانىلادى;
زاتتاڭبالاردى, شتريح-كودى بار جاپسىرعىشتاردى سايكەستەندىرۋ ءۇشىن شتريح-كودتاردى وقۋ اسپابى قولدانىلادى (شتريح-كودتار سكانەرى).
سايكەستەندىرۋدىڭ تەحنيكالىق قۇرالدارىن قولدانا تاۋارلاردى سايكەستەندىرۋ ناتيجەلەرى تەرەڭدەتىلگەن زەرتتەۋ ءۇشىن وسى تاۋارلاردى ساراپتاماعا جىبەرۋ ءۇشىن نەگىز بولىپ تابىلادى;
6) مەملەكەتتىك كىرىستەر ورگاندارىنىڭ لاۋازىمدى ادامدارى تۇنگى جانە كۇندىزگى ۋاقىتتا كەدەندىك باقىلاۋ ايماعىنىڭ جەدەل جاعدايىن جانە مەملەكەتتىك كىرىستەر ورگاندارى اكىمشىلىك عيماراتتارىنىڭ وبەكتىلەرىن قاداعالاۋ ءۇشىن كەدەندىك باقىلاۋ ماقساتىندا ۇنەمى قولداناتىن كوزبەن قاراپ قاداعالاۋدىڭ تەحنيكالىق قۇرالدارى;
7) ماگنيتتى تاسىعىشتارعا (بوبينالارعا, پلەنكالارعا, شاعىن كاسسەتالارعا, ديسكىلەرگە, ەلەكتروندىق-ەسەپتەۋ ماشينالارىنىڭ ديسكەتالارىنا) جازىلعان اۋديو اقپارات پەن بەينە اقپاراتتى قاراپ شىعۋ, تىڭداۋ جانە ءوشىرۋ ءۇشىن وسى تەحنيكالىق اقپارات تاسىعىشتاردى كەدەندىك باقىلاۋ كەزىندە قولدانىلاتىن اۋديو جانە بەينە اقپاراتتى تاسىعىشتاردى باقىلاۋدىڭ تەحنيكالىق قۇرالدارى. اۋديو جانە بەينە اقپاراتتى تاسىعىشتاردى باقىلاۋدىڭ تەحنيكالىق قۇرالدارى شىعارىلعان فوتوۇلدىرلەر مەن كينوۇلبىرلەردى, سلايدتار مەن ميكروفيشتەردى كوزبەن قاراپ باقىلاۋدى جۇزەگە اسىرۋ ءۇشىن پايدالانىلادى.
7. مەملەكەتتىك كىرىستەر ورگاندارى كەدەندىك باقىلاۋ ايماعىندا جەدەل بايلانىستى قامتاماسىز ەتۋ ءۇشىن, سونداي-اق دالالىق جاعدايلاردا جەدەل بايلانىستىڭ تەحنيكالىق قۇرالدارىن قولدانادى.
8. مەملەكەتتىك كىرىستەر ورگاندارىنىڭ لاۋازىمدى ادامدارى ينتراسكوپيالىق تەكسەرۋ تەحنيكاسىن ونى قولدانۋ بويىنشا ارنايى وقۋ كۋرسىن, سونداي-اق رەنتگەن ساۋلەلەرىنىڭ ادام, وسىمدىكتەر مەن جانۋارلاردىڭ اعزالارىنا, ءتىرى ميكرواعزالارى بار ازىق-ت ۇلىككە اسەرى بويىنشا وقىتۋدان جانە رادياتسيالىق قاۋىپسىزدىك بويىنشا وقىتۋدان وتكەننەن كەيىن قولدانۋعا قۇقىلى.
9. كەدەندىك باقىلاۋدىڭ تەحنيكالىق قۇرالدارىن مەملەكەتتىك كىرىستەر ورگانىنىڭ لاۋازىمدى ادامدارى ءوندىرۋشى زاۋىت قوسا بەرگەن تەحنيكالىق دەرەكتەرگە, نۇسقاۋلىقتارعا سايكەس پايدالانىلادى.
ينتراسكوپيالىق تەكسەرۋ تەحنيكاسى ونىڭ بارلىق تەحنيكالىق مۇمكىندىكتەرىنىڭ ەرەكشەلىكتەرىن, سونداي-اق زاۋىتتىڭ نۇسقاۋلىعىنا نەمەسە تەحنيكالىق ەرەكشەلىگىنە سايكەس تەحنيكالىق قاۋىپسىزدىك ەرەجەسى مەن رادياتسيالىق قاۋىپسىزدىكتى ساقتاي وتىرىپ قولدانىلادى.
ىزدەۋدىڭ تەحنيكالىق قۇرالدارى تاۋارلار مەن كولىك قۇرالدارىنا مەحانيكالىق زاقىم كەلتىرمەي تەحنيكالىق قاۋىپسىزدىكتى ساقتاي وتىرىپ قولدانىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 16 قاڭتارداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10092 بولىپ ەنگىزىلدى.